اسلام آباد۔9اگست(اے پی پی) راجی اسمبلیءِ اسپیکر اسد قیصر ءَ مقبوضہ کشمیرءِ جاورھالءِ سرءَ مزن گسی سفارتکاری ءِ وسیلگءَ چہ سرجمیں دنیاءِ مزن گسانی اسپیکرآں گوں نزیکی بندات کتگ۔ جمعہءِ روچءَ راجی اسمبلی ءِ اسپیکر ءَ ملائیشیا ءِ اسپیکر عارف بن محمد یوسف ءَ را ٹیلیفون کتگء ُ آئیءَ را بھارتءِ نیمگءَ چہ آرٹیکل 35الف ء ُ 370ءِ ہلاس کنگءَ مقبوضہ کشمیر ءَ ودی بوتگیں تکانسری ءَ چہ سرپد کتگ۔ راجی اسمبلی ءِ اسپیکر ءَ گشتگ کہ بھارتی آئین ءَ چہ آرٹیکل 35الفء ُ 370ءِ ہلاس کنگ کشمیری اُلس ءَ را دھوکہ دیئگ بوتگ۔ آئیءَ گشتگ کہ بھارتءِ اے گامگیج ءَ چہ کشمیر ءِ بے وسیں اُلس ءِ حقانی سرءَ اُرش کنگ بوتگ۔ ملائیشیا ءِ اسپیکر محمد عارف بن محمد یوسف ءَ گشتگ کہ آ مقبوضہ کشمیرءِ انوگیں جاورحالاں چہ سرپد اِنت ء ُ اے جیڑہ ءِ سرءَ چارء ُبچار کنگءَ اِنت، کشمیرءِ جیڑہ یک میاں اوستمانی جیڑہ اِت، ا ے جیڑہ ءِ گیش ء ُ گیواری اَلمی اِنت۔ ملائیشیا ءِ اسپیکر ءَ کشمیرءِ اُلس ءِ وت واجہیءِ حق ءَ بوہگءِ اوست داتگ۔
