اسلام آباد۔ 09 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان کشمیر نا تنازعہ آ اقوام متحدہ نا سیکرٹری جنرل انتونیوگوترش نا بیان نا ستاءِ کرسا اودے پاکستان موقف نا تائید گوندانے۔ جمعہ نادے آ تینا ٹویٹ اٹی ڈاکٹر فردوس عاشق اعوان پارے کہ او تنازعہ کشمیرآ اقوام متحدہ نا جنرل سیکرٹری نا بیان نا ستاءِ کیک، دابیان اٹی پاکستان نا دا دیرینہ موقف نا تائید ءِ کننگانے کہ کشمیر اسہ متنازعہ ءُ علاقہ سے و دا تنازعہ ءِ اقوام متحدہ نا سلامتی کونسل نا قرارداد آتا رداٹ ہی ایسر کننگ مریک۔ اوپارے کہ اقوام متحدہ نا سیکرٹری جنرل نا بیان پاکستان نا سفارتی سرسہبی ءِ۔ اوپارے کہ اقوام متحدہ نا سیکرٹری جنرل نا بیان وزیراعظم عمران خان نا دا اصولی موقف آ اقوام متحدہ و جہانی برادری نا پت انا درشانی ءِ ہراٹی او پارے کہ نن کشمیری تا است خواہی تار داٹ حق خودارادیت نا دوئی کننگ اٹ ہر حد اسکان ہِننگ کینہ۔
