بیجنگ۔ 09 اگست (اے پی پی) وزیر خارجہ مخدوم شاہ محمود قریشی مقبوضہ جموں و کشمیر نا گھمبیر حالیت آتا رداٹ سفارتی مشن آ بیجنگ آ سرمس۔ جمعہ نا دے آ وزارت خارجہ نا کنڈآن جاری بیان نا رداٹ سیکرٹری خارجہ سہیل محمود و وزارت خارجہ نا سینئر کمامدارآک وزیرخارجہ تون اوارو۔ وزیر خارجہ دورہ چین اٹی چین نا بڑزکو سرکڑدہ غاتون اوڑدہی کیک۔ وزیر خارجہ چینی سرکڑدہ غاتے مقبوضہ جموں و کشمیر نا بابت بھارت نا غیر آئینی گام گیج و بھارت نا کنڈآن انسانی حق انا سنگین خلاف ورزی تیان معلومدار کیک۔ مقبوضہ جموں و کشمیر اٹی ودوک آ بھارتی جارحیت و ڈیہہ ٹی امن و ایمنی نا رداٹ وزیر خارجہ نا دا دورہ ءِ بے کچ اہم تکنگ انگ ءِ۔

متعلقہ مضامینمصنف کی طرف سے مزید