اسلام آباد ۔ 09 اگست (اے پی پی) مزن وزیر عمران خان ءَ گوں ورلڈ ٹوررازم فورم ءِ ڈل ءِ گند ءُُ نند ءَ پاکستان ءَ 2020 ءَ پنچ روچی ورلڈ ٹورازم فورم ءِ بنگیج ءِ پیسلہ کنگ بوت، ایشی ءِ تہ ءَ کساس یک ہزار در ملکی گشتانکار بھر زوری کن اَنت ۔ مزن وزیر عمران خان ءَ گوں ورلڈ ٹورازم فورم ءِ ڈل ءَ آ آدینگ ءِ روچ ءَ ادا صدر ایگزیکٹو بورڈ ورلڈ ٹورازم فورم بولوت بیگس ءِ سروکی ءَ گند ءُُ نند کت ۔ گند ءُُ نند ءَ ھاسیں ھاسیں کمکار سید ذوالفقار عباس بخاری ھم ساڑی ات ۔ اے موہ ءِ سر ءَ پیسلہ کنگ بوت کہ 2020ءَ ورلڈ ٹورازم فورم ءِ بنگیج پاکستان ءَ کنگ بیت ایش پنچ روچ ءَ جاڑی مانیت ۔ پاکستان ءَ برجم بوھوکیں فورم ءَ کساس یک ہزار در ملکی گشتانکار بھر زوری کن انت ۔ مزن وزیر ءَ ڈل ءَ را پاکستان ءَ سیل ءُُ سوادی موہ آنی بابت ءَ سرج میں گشتانک آنی ھوالگ ءَ سرپد کت ۔ مزن وزیر عمران خان ءَ گوشت کہ سیل ءُُ سواد ءِ جتا جتائیں شوبگ ھاسیں رنگ ءَ ماوَنٹین ٹورازم، نیک راھی ٹورازم، تیاب دپی سیل ءُُ سوادی ءُُ ایندگر شوبگ آنی تہ ءَ سک باز موہ است ایشاناں کارمرد کنگ ءِ بابت ءَ دلگوشی دیگ ءَ انت آئی ءَ گوشت کہ گوستگیں زمانگ ءَ سیل ءُُ سوادی پڑ ءِ دیمروئی ءِ ھاترا اچ دلگوشی دیگ نہ بوتگ بلے استیں حکومت سیل ءُُ سوادی پڑ ءِ دیمروئی ءِ واستہ سک باز کوشست کنگ ءَ انت ۔ مزن وزیر ءَ گوشت کہ سیل ءُُ سواد ءِ دیمروئی ءِ رد ءَ اے گپ ءَ را ھاسیں رنگ ءَ دلگوش کنگ بوھگ ءَ انت کہ ابرمی شررنگی ءُُ ایٹماسپئر ءِ رکھینگ ءُُ چاگردی بستار ءِ پاسبانی ءَ را دل یکیمی کنگ بہ بیت ۔ آئی ءَ گوشت کہ بلوچستان ءِ سیم سرئی دمگ آنی سر ءَ 8نوکیں سیل ءُُ سوادی ھند جوڑ کنگ بیت ۔
