اسلام آباد۔ 09 اگست (اے پی پی) وزیراعظم نا خصوصی کمکار انسداد پولیو بابر بن عطاء پارینے کہ لمہ و باوہ نا کنڈآن پولیو آن بچفنگ نا پڑی کنفپننگ نا سوب آن صوبہ خیبر پختونخواٹی پین پنچ کیس مون آ بسنے۔ بابر بن عطاء پارے کہ ساڑی ہی ٹی دا کیس آک مون آ بسنو دافتیان اسہ چناسے تو وخت اس ہم پولیو ویکسین تننگتنے۔ اوپارے کہ پشاور اٹی اینخو نا سال اپریل اٹی پیش بروک آ واقعہ غاتیان پد لمہ و باوہ نا کنڈآن انسداد پولیو مہم نا شدید مخالفت مون آ بسنے۔ ترجمان نا پاننگ ئس کہ خلقت خلقت تینا اُراتے ٹی مارکر تخاسر و انسداد پولیو مہم نا بناآن مست ہی اوتینا چناتا ہورتیا نشان خلکرہ۔ خیال مرے کہ 2017ء ٹی خیبر پختونخوا ٹی بیرہ 8 کیس مون آ بسوسس ولے اینخو نا سال بنائی ہفت تُو اٹی اوفتا کچ 53اسکان سرمسنے۔ بابر بن عطاء لمہ و باوہ غاتیان خواست کرے کہ او پروپیگنڈہ تیان باور کپس و پولیو مہم اٹی تینا چناتے پولیو آن بچفنگ نا پڑی المی کنفر۔
