اسلام آباد۔ 09 اگست (اے پی پی) وزیراعظم نا خصوصی کمکار سی ڈی اے علی نواز اعوان پارینے کہ پاکستان خواہک کہ اقوام متحدہ نا قرارداد آتارداٹ کشمیر نا ویل ءِ ایسر کننگے و کشمیری تے حق تننگے تانکہ او تینٹ فیصلہ کننگ کیر۔ جمعہ نادے آ پارلیمنٹ ہاؤس نا پیشن میڈیا تون گپ و تران کرسا اوپارے کہ وزیراعظم عمران خان کشمیر نا ویل انا بابت آن جہانی راہشون آتون رابطہ ٹی ءِ و کشمیر نا ویل ءِ جہانی کہول آ تالان کننگ انگ ءِ۔ بھارتی ذہنیت کشمیر اٹی اقلیت آتا حق ءِ خلنگ ءِ۔ اوپارے کہ بھارتی حکومت کشمیر نا خصوصی حیثیت ءِ چٹفسا تحریک آزادی ٹی پوسکن ءُ روح اس شاغانے۔ ہمودے مر اف ہراتم کشمیری تحریک آزادی سرسہب مریک۔ اوپارے کہ پاکستان خواہک کہ کشمیرنا ویل ءِ اقوام متحدہ نا قرارداد آتا رداٹ ایسر کننگے۔ 14اگست نا بابت گپ و تران کرسا او قائد اعظم ءِ خراج عقیدت پیش کرسا پارے کہ یوم آزادی ءِ ملی جوش و جوزہ اتون اڈ ایتنہ۔
