اسلام آباد۔ 09 اگست (اے پی پی) الیکشن کمیشن سیاسی جماعت آتے یات دہانی کرفینے کہ او مالی سال 2018-19ء نا حساب آتا گوشوارہ غاتے 29 اگست اسکان ہرحال اٹ جمع کرفر۔ الیکشن کمیشن نا کنڈآن جاری بیان نا رداٹ گچین کاری کانود 2017ء نا سیکشن 210نا رداٹ ہر سیاسی جماعت ءِ چارٹرڈاکاؤنٹنٹ نا کنڈآن پک کروک سالانہ آمدن و خڑچ، کٹیا نا ذریعہ و میرات و جائیداد ظاہر کننگ المی ءِ۔ الیکشن کمیشن پارے کہ داڑتون اوار پارٹی سروک نا دستخط آتے اٹ دا سرٹیفکیٹ ءِ ہم جمع کرفوئی مریک کہ اسہ ہم ممنوعہ ذریعہ سے آن فنڈ دوئی کننگتنے۔ دا گوشوارہ غاتے 29 اگست اسکان الیکشن کمیشن تون جمع کرفنگ مریک۔
