اسلام آباد ۔ 8 اگست (اے پی پی) مزن وزیر عمران خان ءِ سروکی ءَ نیشنل ڈویلپمنٹ کونسل ءِ دیوان ءَ بلوچستان ءُُ خیبر پختونخوا ءَ ھوار بوھوکیں پیسریگیں قبائلی ضلع آنی دیمروئی ءِ واستہ جتا جتائیں پیسلہ آنی منظوری دیگ بوت ۔ دیوان ءَ گڈانی ءِ دکہ ءُُ حب ءَ ھاسیں اقتصادی زون آنی برجائی ءِ واستہ فیزیبلٹی سٹڈی، جیوانی، گوادر، پسنی، مکولا، اور ماڑہ، کنڈ ملیر، ہنگول پارک ءُُ میانی ھور ءَ ھوار صوبگ ءِ تپاب دپی دمگ آنی تہ ءَ سیل ءُُ سواد ءِ دیمروئی ءُُ سیل ءُُ سوادی ریزارٹس آنی دیمروئی دیگ ءِ واستہ نیشنل کوسٹل ڈویلپمنٹ اتھارٹی ءِ جوڑیشت ءُُ گوادر سپیشل اکنامک ڈسٹرکٹ ءِ واستہ کنسیپچول فریم ورک ءِ منظوری دیگ بوت ۔ دیوان پنچ شمبے ءِ روچ ءَ ادا مزن وزیر عمران خان ءِ سروکی ءَ مزن وزیر کارگس ءَ برجم دارگ بوت ۔ دیوان ءِ تہ ءَ بلوچستان ءِ واستہ ڈویلپمنٹ پلان، گوادرماسٹرپلان، سی پیک اتھارٹی ءِ جوڑیشت ءُُ خیبر پختونخوا ءَ ھوار بوھوکیں پیسریگیں قبائلی ضلع آنی واستہ ایکسیلیریٹڈ ڈویلپمنٹ پلان برائے مالی سال 2019;245;20ء ءِ سر ءَ چار ءُُ بچار کنگ بوت ۔ دیوان ءَبلوچستان ءِ واستہ دیمروئی پلان ءِ سر ءَ سرج میں پریزینٹیشن پیش کنگ بوت ایشی ءِ تہ ءَ صوبگ ءِ سلامتی ءِ جاور ھال ھاسیں رنگ ءَ بارڈر مینجمنٹ ءِ تہ ءَ گیش گہتری ءُُ صوبطگ ءِ الس آنی آسودگی ءِ واستہ چاگردی ءُُ اقتصادی دیمروئی ءِ واستہ ارزشتی ایں شوبگ آناں ھد ءُُ ابیل کنگ بوت ۔ دیوان ءِ تہ ءَ گوشگ بوت کہ گوستگیں 8سال آنی تہ ءَ صوبگ ءِ دیرموئی ءِ واستہ ھر چ ءُُ درچ آنی سر ءَ چار ءُُ تپاس ءَ چہ مالوم داری بوت کہ اے ساھت ءَ ھواریں رنگ ءَ 45درسد فنڈز دزئی کنگ بوتگ اَنت ۔
