اسلام آباد ۔ 08اگست(اے پی پی) مزن وزیر عمران خان ءَ زرکاراناں ملک ءَ استیں زرکاری ءِ موہ آن چہ پائدگ چست کنگءِ سرءَ زور پِر داتگ ء ُ گشتگ حکومتءَ زرکارء ُبیپار براتی ءَ اسراتیں دیءگء ِ جزم کتگ ۔ آئیءَ اے گپ پنچ شمبے ءِ روچءَ نامداریں امریکی کمپنی پراکٹر اینڈ گیمبل ءِ گلوبل وائس چیئرمین ء ُ چیف آپریٹنگ آفیسر جون مولر ءَ گوں مزن وزیر کارگس ءَ گندء ُ نندکنانءَ کتگ ۔ گندء ُنندءَ بیپاری ءِ صلہ کار عبدالرزاق داءود ء ُ زرکاری بورڈ ءِ چیئرمین زبیر گیلانی ہم ساڑی بوتگ ۔ جون مولرءَ مزن وزیرءَ را پراکٹر اینڈ گیمبل ءِ پاکستان ءَ زرکاری ء ُ بیپاری ءِ چستء ُ ایرانی سرءَ شونشت داتگ ۔ جون مولرءَ مزن وزیرءَ را ھال داتگ کہ گوستگیں سی سالاں چہ پراکٹر اینڈ گیمبل کمپنی پاکستانءَ پائدگ مندیں بیپاری سُرء ُ پر کنگ ءَ اِنت ۔ مزن وزیر ءَ پراکٹر اینڈ گیمبل ءِ پائدگ مندیں چست ء ُ ایر ء ُ کمپنی آنی نیمگءَ چہ اے چست ء ُ ایراں گیشءِ جزم ءِ سرءَ سدکی ءِ درشانی کتگ ۔
