اسلام آباد۔8اگست(اے پی پی) ریلوے ء ِ بنجاہی وزیر شیخ رشید ءَ گشتگ کہ مقبوضہ کشمیر ءِ سرءَ بھارتءِ رستری ء ُ جائلی ءَ کتگیں فیصلہ ءِ حلاپءَ ریلوے ءِ وزارت ءَ پنچ شمبے ءَ چہ سمجھوتہ ایکسپریس ءَ را بند کنگءِ فیصلہ کتگ، ٹرینءَ را واہگہ سیمسرءَ سرکتگء ُ بھارتءَ را حال داتگ کہ آ وتی مسافرء ُ بوگیاں وتی انجنءَ پِر بہ کنتء ُ بہ بارت، ما امنء ُ ایمنی ءِ لوٹو ک اَنت بلے کشمیرءِ جیڑہ ءِ سرءَ ایچ وڑیں منء ُ گر کنگ نہ بیت۔ اے حیالانی درشانی آئیءَ شمبے ءِ روچءَ نیشنل پریس کلب ءَ پریس کانفرنس ءَ گوں تران کنانءَ کتگ۔ بھارتءِ جائلی ءَ کتگیں فیصلہ ءَ چہ ہرچی بوت کنت جنگ ہم بوت کنت بلے ما جنگ نہ امنء ُ ایمنی ءِ لوٹوک اَنت ء ُ اگاں مے سرءَ جنگء ُ جدل ءِ نوبت اَتک اَنت گڑا ما ہم جنگ کناں۔ آئی ءَ گشتگ وہد ے کہ من ریلوے ءِ وزیر اَں سمجھوتہ ایکسپریس بند بیت۔ نریندر مودی ءِ سیاست بابری مسیتءَ چہ بندات بوتگ ء ُ کشمیری ورناہ آں وتی حوناں چہ آئیء َ لال قلعہ ءَ کنڈ کناں۔
