اسلام آباد۔ 08 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ سول و عسکری سرکڑدہ غاک کشمیری تا توار اتون توار ءِ اسٹ کریر، ملکی سرکڑدہ غاک کشمیری تتون پورو یکجہتی نا درشانی ءِ کریر، ملکی سرکڑدہ غاک دنیا ءِ کلہو تسر کہ کشمیر پاکستان نا شہ رگ ءِ۔ پنچ شنبے نادے آمیڈیا تون گپ و تران کرسا اوپارے کہ سول و عسکری سرکڑدہ غاک کشمیر نا توار اتون توار ءِ اسٹ کریر۔ ملکی سرکڑدہ غاک کشمیری تتون یکجہتی نا درشانی ءِ کریر۔ ملکی سرکڑدہ غاک دنیا ءِ کلہو تسر کہ کشمیر پاکستان نا شہ رگ ءِ۔ خصوصی کمکار پارے کہ قائد اعظم نا اِراقومی نظریہ غان اختلاف کروک آک اینو جوان پہہ مرور۔ قائداعظم محمد علی جناح ہندوذہنیت ءِ خواناسس۔ ڈاکٹر فردوس عاشق اعوان پارے کہ اینو بھارت اقلیت خاص کر مسلمان آتون انت اس کہ کننگ ءِ او غٹ انا مون آ بننگ ءِ۔ بھارت کشمیری تا حق ءِ خلکونے۔ بھارت کشمیر اٹی میڈیا و ذرائع ابلاغ آ پورو پابندی خلکونے۔ خصوصی کمکار پارے کہ بھارت غٹ منفی چم آتے کاریم اٹ اتسا کشمیری تا توار ءِ توننگ خواہک و اوفتیا کروک آ ظلم ءِ دنیا نا مون آ اتنگ کن الیپننگ ءِ۔ فردوس عاشق اعوان پارے کہ کشمیری تا جہد آجوئی نا تحریک مرسا مون آ بسنے۔ بھارت ہراڑے ہراڑے کشمیری تا استحصال ءِ کیک پاکستان ہموڑے مون آ سلک۔ اوپارے کہ پاکستان کشمیری تا مخ تفی ءِ کننگ کن ہر آپشن ءِ کاریم اٹ اتیک۔ اوپارے کہ پاکستانی پارلیمنٹ نا قرارداد اٹی الس نا جوزہ غاتا ترجمانی ءِ کننگا۔ قومی سلامتی کمیٹی دیوان نا فیصلہ کشمیری تتون ننا رشتہ نا عکاس ءِ۔
