اسلام آباد۔ 08 اگست (اے پی پی) وزیر توانائی عمر ایوب خان پارینے کہ ننا حکومت نا اولیت کولیشن آف کرپشن انڈیکس نا چٹفنگ ءِ، کاروباری خڑچ اٹی ودکی نا سوب آن تدوک آ سال آتے ٹی ملک اٹی پیشن نا زرکاری زیرومس، کاروباری خڑچ اٹی کمتی اتنگ کن بجلی و ایل این جی نا ٹیرف اٹی کمتی کننگانے۔ پنچ شنبے نادے آ قومی اسمبلی ٹی وقفہ سوج آتے ٹی حناربانی کھر نا ضمنی سوج انا ورندی ٹی پارلیمانی سیکرٹری عالیہ حمزہ ملک کاروباری خڑچ ءِ کم کننگ کن بجلی ایل این جی نا نہاد آتے ٹی کمتی و ریگولیٹری ڈیوٹی ٹی کمتی کرینے۔ دا گام گیج آتیان کاروباری خڑچ اٹی لامحالہ کمتی بریک۔ ہراکارخانہ غاک بند مسنو اوفتا سرجم آتے فاضل باسک ننے فراوان کے۔ بنجائی وزیر توانائی عمر ایوب پارے کہ وزیراعظم نا پارت آ براہ راست خڑچ و بالواسطہ خڑچ انا کمتی کن نن کاریم کننگ اُن۔ دا بابت غٹ کمپنی تا چیف ایگزیکٹو آتون ویڈیوکانفرنس کننگ اُن۔ تدوک آ منہ سال آن براہ راست پیشن نا زرکاری زیرو مننگ نا سوب کاروباری خڑچ اٹی ودکی ئس۔نن دا اجارہ داری تے چٹفنہ۔ راجہ پرویز اشرف پارے کہ ننے پاننگے کہ کاروباری خڑچ اٹی ودکی نا سوب آن اخس کارخانہ بند مسنو۔ ننا حکومت نا دور اٹی ایکسپورٹس 25ارب ڈالر ئس۔ عمر ایوب پارے کہ ای کولیش آف کرپشن نا ذکر ءِ کرینٹ ای کس اسے نا پن ءِ التنوٹ۔ نن کرپشن انڈیکس ءِ کم کینہ۔ دا اصطلاح غا کس اسے غصہ کننگ نا گرج اف۔
