اسلام آباد۔ 08 اگست (اے پی پی) بنجائی وزیر اقتصادی امور حماد اظہر پارینے کہ اینخو نا مالی سال اٹی 10 ارب ڈالر آن زیات نا وام تے پدی تروئی ءِ، تدوک آ سال ننا حکومت 8 ارب 39 کروڑ ڈالر نا وام تے پدی تس۔ پنچ شنبے نادے آ قومی اسمبلی ٹی وقفہ سوج آتے ٹی شاہد احمد نا سوج انا ورندی ٹی پارے کہ 18 اگست 2018ء آ درملکی زرکاری وامک 73ارب 10 کروڑ 20 لکھ ڈالر ئسر۔ 18 اگست 2018ء آن 30جون 2019ء اسکان ننا حکومت ہفت ارب 17 کروڑ 23لکھ ڈالر نا درملکی وام ہلک وخت اس کہ دادورانیہ ٹی 8 ارب 39 کروڑ 28 لکھ ڈالر نا درملکی وام تے پدی تننگا۔ اوپارے کہ دا پدی تروک آ وامک تاریخ اٹی غٹ آن زیات ءُ دانا سوب دائس کہ تدوک آ حکومت تینا آخیریکو اِراسال اٹی قلیل المدت وام ہلک۔ داسال ہم ننے دہ ارب ڈالر اسکان نا وام تے پدی تروئی ءِ۔
