اسلام آباد۔ 08 اگست (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ ”ظلم مرے و امن ہم مرے۔انت مننگ کیک نی تو پا“۔ پنچ شنبے نادے آ راجی رابطہ غاتا ویب سائٹ ٹویٹر آ تینا اسہ کلہو اسے ٹی بنجائی وزیر پارے کہ مقبوضہ کشمیر اٹی بدترین مارشل لاء لگوک ءِ و ہر ہشت کشمیری تیا اسہ بھارتی فوجی اس مسلط ءِ۔ مقبوضہ جموں و کشمیر اٹی نوشت نا آجوئی ءِ نئے کہ تقریرنا، انٹرنیٹ سروس بند ءِ، غٹ کشمیری لیڈر شپ قیدو بند ءُ، داحالیت آتے ٹی انت ہیت وگپ مننگ کیک۔ اوپارے کہ داویل بیرہ کشمیری تا آخا بلکن مملکت پاکستان نا وجود نا ہم ارے۔ بنجائی وزیر پارے کہ اینو کشمیر ہُشنگ انگ ءِ، داغٹ ءِ الیبو کہ امریکہ انت پاہک یا عرب آک انت کیرہ، اہم ہیت دادے کہ نم انتس کیرے۔ اومستی پارے کہ ”مٹ جائے گی مخلوق تو انصاف کروگے۔۔منصف ہوتو حشر اٹھاکیوں نہیں دیتے“۔
