اسلام آباد۔ 7 اگست (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ بھارت لچی ءُُ شتلی ءَ چہ کشمیر ءِ الس آناں گیش بندیگ کت نہ کنت، کشمیری الس بھارت ءَ را وتی لگت مالی ءَ قبول نہ کن اَنت۔ آ چار شمبے ءِ روچ ءَ نیوز کانفرنس ءَ گوں گشتانک دیان ءَ کت۔ فردوس عاشق اعوان ءَ گوشت کہ بھارت وتی توامیں شتلی ءُُ لُچی آں ابید کشمیر ءِ جنگ ءَ بے سوب بوتگ، اگاں اے وڑ مہ بوت اَنت گڈا آئی ءَ لکھ آنی کساس ءَ اُرد آھودا ڈیوٹی ءَ نہ اوشتارینتگ اَت۔ آئی ءَ گوشت کہ کشمیری وتی لگت مالی ءِ پیسلہ ءَ ر ا قبول نہ کن اَنت۔
