
اسلام آباد۔ 7 اگست (اے پی پی) وزیرمملکت برائے ہاوسنگ اینڈ ورکس شبیر علی قریشی ءَ گوشت کہ نوکیں پاکستان ہاؤسنگ پراگرام الس ءِ واھشت آنی رد ءَ انت۔ اے پروگرام ءَ چہ یک نیمگ ءَ روزگار ءِ موہ پیداک بنت ءُُ دومی نیمگ ءَ الس آناں گس رس ایت۔ مزن وزیر عمران خان ءِ سروکی ءَ ملک دیمروئی ءِ کشک ءَ رھادگ انت۔ اے گپ آئی ءَ ”اے پی پی“ ءَ گوں تران کنان ءَ کت۔ آئی ءَ گوشت کہ گس ھمک شہری ءِ بنیاتی ھک انت ءُُ تحریک انصاف ءِ حکومت مزن وزیر عمران خان ءِ سروکی ءَ الس ءَ را بنیاتی آسراتی ءِ پجاتی ءِ واستہ شپ ءُُ روچ کوشست ءَ کنگ ءَ انت۔ یک جستے ءِ پسو ءَ وزیر ءِ مملکت شبیر علی قریشی ءَ گوشت کہ بھارت ءَ را مزن وزیر عمران خان ءِ کلوہ پھمگ لوٹ ایت ءُُ جیڈھ آنی گیواری ءِ گنوکی ءِ مٹ ءَ سول ءُُ تران ءِ وسیلگ در گیجگ لوٹ ایت۔