
وزیراعظم عمران خان پارلیمان اٹی کشمیری تا روا و کانودی حق انا ترجمانی، بھارت نا انتہاپسندانہ دروشم ءِ دنیا نا مون آ پاش کرے
اسلام آباد۔ 07 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ کشمیر ننا اسیجائی و قومی کاز ءِ، پارلیمان نا قرارداد پاکستان نا الس نا است خواہی تا ترجمان و کشمیر ی تا جوزہ غاتا عکاس مریک۔ چارشنبے نادے آ تینا ٹویٹ اٹی اوپارے کہ مظلوم کشمیری اینو پاکستان نا پارلیمان نا کنڈا ہُننگ ءُ۔ اومیت کینہ کہ اپوزیشن زموارانہ کڑد ادا کرسا دیوان ءِ سیاست کن کاریم اٹ اتپک۔ وزیراعظم عمران خان پارلیمان اٹی کشمیری تا روا و کانودی حق انا ترجمانی ءِ کرے۔ اوبھارت نا حقی انتہاپسندانہ دروشم ءِ دنیا نا مون آ پاش کرے۔ وزیراعظم دنیا ءِ باور کرفے کہ کشمیر اسہ بنداوی ءُ جھیڑہ اسے ہرادے ایسر کننگ آن بیدس ڈیہہ ٹی پائیدار امن اس تغ اس سلک۔