ایشیائی شونداری بینک انا حکومت نا برآمد آتا مون آ دننگ کن واپاری مسابقت اٹی گچینی نا اصلاحاتی ایجنڈا نا کمکاری کن 50 کروڑ ڈالر جاری کننگ نا منظوری
اسلام آباد۔ 07 اگست (اے پی پی) بنجائی وزیر اقتصادی امور ڈویژن حماد اظہر پارینے کہ ایشیائی شونداری بینک حکومت نا برآمد آتا مون آ دننگ کن واپاری مسابقت ءِ گچین کننگ نا اصلاحاتی ایجنڈا نا کمکاری کن 50 کروڑ ڈالر جاری کننگ نا منظوری ءِ تسنے۔ داہیت ءِ او تدوک آ دے تینا اسہ ٹویٹ اسے ٹی پارے۔ حماد اظہر پارے کہ ایشیائی شونداری بینک نا دا آسراتی آن پاکستان نا درملکی زرمبادلہ نا کوڑی تے سوگوی ملک۔ اوپارے کہ ایشیائی شونداری بینک انا کنڈآن بجٹ سپورٹ پروگرام 2 سال آن زیات وخت آن پد بحال کننگانے۔ بنجائی وزیر ایشیائی شونداری بینک و بینک انا صدر نا دا کمکاری آ منت واری ءِ ہرفے و پارے کہ دا ساڑی حکومت نا اصلاحاتی ایجنڈا غا ایشیائی شونداری بیک انا پت انا درشانی ءِ۔
