ساہیوال کول پاور پلانٹ 22 تُو انا چنکو وخت اسے ٹی پورو کننگا، 1320 میگاواٹ بجلی قومی گریڈ اٹی اوار مس، لوڈشیڈنگ اٹی بھلو حد اسسکان کمتی بسنے، ڈٹ آن توانائی نا کمتی ءِ مر کننگ اٹ کمک ملا
اسلام آباد۔ 07 اگست (اے پی پی) پاکستان اٹی چین نا ڈپٹی مشن آف چیف ژاؤ لی جیان پارینے کہ ساہیوال کول پاور پلانٹ 22تُو انا چنکو وخت اسے ٹی پورو کننگانے، دا پاور پلانٹ آن 1320 میگاواٹ بجلی قومی گریڈ اٹی اوار کننگانے۔ چارشنبے نادے آ میڈیا ءِ بریفنگ ترسا پارے کہ داڑان لوڈشیڈنگ اٹی بھلو حد اسسکان کمتی بسنے و توانائی نا کمتی ٹی اسہ چارک نا تعمیر آن بجلی نا گرج آتے پورو کننگ اٹ کمک رسینگانے و داڑان 40 لکھ بندغ نا توانائی نا گرج آک پورو مریرہ۔ اوپارے کہ سی پیک نا رداٹ دا اسٹ انگا ڈٹ ءِ ہرادے تینا معیاد آن مست پورو کننگانے۔ اوپارے کہ دا پاور پلانٹ نا بلڈنگ 27مزل ءِ۔ داڑے زیات تر پاکستانی تے روزگار نا وارخواہی تننگانے۔ اوپارے کہ 200 ہندی انجینئرزآتون اوار 3ہزار آن زیات خلقت ءِ روزگار نا وارخواہی تننگانے۔ اوپارے کہ داکول پاور پلانٹ آ کاریم کروک آ 171 پاکستانی انجینئرز و کسبکار بندغ آتے چین اٹی پوسکن آ آب انا تربیت تننگا۔
