اسلام آباد۔ 6 اگست (اے پی پی) مزن وزیر عمران خان ءَ گوشت کہ بھارت ءِ نیمگا چہ کشمیر ءِ ھاسیں بستارھلاس کنگ ءِ جار نریندر مودیءِ گچینکاری منشور ءِ بھر ات،اے ہمہ نظریہ انت ایشی ءِ بنیات ءَ آر ایس ایس ءَ ایر کتگ ایشی ءِ مکسد بھارت ءِ تہ ہندو راج ہڈ دیگ انت‘مہ شریں نیت ءَ گوں بھارت ءِ ھواردراھیں ہمساھگ ءِ ملکاں گوں سیادی ءَ را شر کنگ ءِ کوشست کتگ انت بلے بشکیک سروکی دیوان ءِ موہ ءَ مہ سرپد بوتگ اوں کہ بھارت گپ ءُُ تران ءَ پہ سنجیدگ نیست انت ءُُ آں اے پیشکش ءَ را مئے نزوری سمجھگ انت۔سئے شمبے ءَ پارلیمنٹ ءِ یکجاھیں دیوان ءِ تہ بھارت ءِ نیمگا چہ بھارتی دستور ءِ آرٹیکل 370ءُُ آرٹیکل35الف ءِ ھلاسی ءِ وسیلگ ءَ بھارتی زوربرتگیں کشمیر ءِ متنازعہ بستارءَ را بدل کنگ ءِ درکانودی ءُُ زلمی کوشست،لین آف کنٹرول ءِ سرا تیرکاری،کلسٹر بمبانی کارمرزی ءُُ زوربرتگیں کشمیر ءِ تہ کتگیں زلم ءُُ زوراکی ءِ ھوالہ چہ پیش کتگیں جنز ءِ سرا پالیسی بیان دیان ءَ مزن وزیر ءَ مروچی یکجاھیں سیشن ءِ ارزشت ءَ را سمجھگ بیت۔اے سیشن ایوکا کشمیر یا پاکستان نہ بلکہ سرجمیں دگنیا چارگ انت۔مروچی اِدا چہ اے کلوھ روگ بیت کہ سرجمیں راج اے معاملہءِ سرا پج بوتگ۔اے سیشن ءَ را کشمیری ءُُ پاکستانیانی ھاترا نہ بلکہ ایشی ءِ تب سرجمیں دگنیا ءِ تاں سر بنت۔مزن وزیر ءَ گوشت کہ ھمہ وھد ءَ مئے حاکمی اتکگ تو ہما وھد ءَ مئے بنیاتی دلگوشی غریبی ءِ ھلاسی ءُُ خطہ ءِ دیمروئی ات ایشی ءِ ھاترا مہ پیسلہ کت کہ دراھیں ہمساھگ ملکاں گوں شریں سیادی ءِ ھاترا رھوت کنگ بنت پرچہ کہ جیڈھ چہ معیشت نزور بوھگ انتءُُ غربت ءِ تہ ودکی بوھگ انت۔ناشرکاری ءِ ھلاپ جنگ ءِ آسرءَ پیسرءَ پاکستان ءِ معیشت آماچ ات،مہ دراھیں ہمساھگ ءَ گوں رھوت کتگ ات۔مہ بھارت ءَ چہ گوشت کہ اگہ امن ءِ ھاترا یک گامے دیما کائیت تو مہ دو گام دیما روان بباں۔افغانستانءَ گوں معاملہاءَ را راست کتگ،ایران ءَ شتگ اوں،چین ءَ گوں مئے سیادی ہروھد شرانت۔پدا دگہ ملکانی تروتاب کتگ۔آہاں گوشت کہ امریکہ ءِ انوگیں تروتاب ھم اے ھاترا ات کہ پاکستان دیمروئی ءَ کنت۔ادا معیشت برز بیت،مردماں را غربت ءَ چہ در کنیں۔اے ھاترا صدر ٹرمپ چہ دزبندی کت کہ آں کشمیرءِ جیڈھ ءَ را حل کنگ ءِ ھاترا ثالث بنت۔آہاں گوشت کہ مودی ءَ گوں وھدیکہ گپ بوتگ تو آہاں وتی خدشہ پدر کتگ کہ پاکستان ءِ تہ ٹریننگ کیمپ انت۔من آہاں را سرپد کتگ کہ وھدیکہ پشاورءِ تہ آرمی پبلک اسکول ءِ تہ ناشرکاراں اُرش کتگ تو ہمہ وھد ءَ دراھیں قیادت تپاک بوان ءَ راجی ایکشن پلان بندات کتگ۔ من دیستگ کہ بھارت گپ ءُُ تران ءَ پہ ساجو نیست انت پدا امریکا ءِ تروتاب ءِ سرا اے گپ گیش پدر بوتگ۔ کشمیر ءِ سرازلم ءِ باروا دگنیا ءَ را سرپد کتگ۔مزن وزیر ءَ گوشت کہ اے وھد ءَ بھارت ءِ جنگی جنون باز برز ات۔پلوامہ اُرش ءِ سرا ڈوزیئر دیگ چہ پیسرءَ بھارت ءَ وتی گراب پاکستان ءِ سرا اُرش ءِ ھاترا دیم داتگ ات۔ امریکی صدر ڈونلڈ ٹرمپ ءِ گوما گند ءُُ نند ءِ تہ ھم آہاں را گوشت کہ کشمیر ءِ جیڈھ سرجمیں دگنیا ءِ ھاترا فلیش پوائنٹ انت۔مزن وزیر ءَ گوشت کہ بھارت ءِ نیمگا چہ گوستگیں روچ ءَ ہمہ پیسلہ کنگ بوتگ انت آں یکدم نہ بلکہ منصوبگ بندی ءَ گوں کنگ بوتگ ءُُ مودی ءِ منشورءَ ھوار ات۔اے آہانی نظریہ انت ءُُ ایشی ءِ بنیات آرایس ایس انت،آرایس ایس ءِ سروک گل واکر ءَ را وانیت کہ ایشی ءِ نظریہ ءِ چے انت۔
