اسلام آباد۔ 06اگست (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ بھارت پیدوار کرے کہ کشمیر نا انت حیثیت اسے داسہ کشمیریک تینا فیصلہ ءِ کننگ اٹ آجوءُ، دوائی تا نہاد آتیا حکومت نظر شاغنگ ءِ دابابت آن پالیسی نا اول سرآن جاچ ءِ ہلنگ اُن۔ سے شنبے نادے آ پارلیمنٹ ہاؤس نا پیشن میڈیا تون گپ و تران کرسا اوپارے کہ بھارت کشمیر نا خصوصی حیثیت ءِ مننگ کن تیار اف داسہ کشمیریک تینا مرضی نا فیصلہ ءِ کننگ کیرہ۔ بھارت پیدوار کرے کہ کشمیر نا انت حیثیت اسے۔ اوپارے کہ بھارت مقبوضہ کشمیر اٹی انسانی حق انا خلاف ورزی کننگ ءِ و ساڑی حالیت آتے ٹی کشمیری سرکڑدہ ءِ نظر بند کرینے۔ خصوصی کمکار پارے کہ روپئی نا قدر اٹی کمتی نا سوب آن مشکلات ءِ دا مشکل آک خلقت آن زیات دوائی جوڑ کروک کمپنی تیکن ہم زیات ءُ ولے مشکلات ضرور ارے ولے گچینی اتینہ۔ ڈاکٹر ظفر مرزا پارے کہ دوائی تا نہاد آتیا حکومت نظر تخانے ہرادوائی تا نہاد آتے ٹی ودکی مسوسس اوفتا نہاد آتے ٹی 75 درسد کمتی کرینن حکومت دوائی تا نہاد آتا بابت پالیسی نا اول سرآن جاچ ءِ ہلنگ ءِ۔
