اسلام آباد۔ 06اگست (اے پی پی) پارلیمنٹ نا اسیجائی دیوان اٹی بھارت نا کنڈآن کشمیر نا خصوصی حیثیت ءِ چٹفنگ و بے خار سم کاری، کلسٹر بمب آتا کاریم اٹ اتنگ و مقبوضہ جموں و کشمیر اٹی ودکی فوجی تا تعیناتی آن ودی مروک آ حالیت آتیا شرہ کننگ کن تحریک پیش کننگا۔ سے شنبے نادے آ پارلیمنٹ نا اسیجائی دیوان نا وخت آ بنجائی وزیر پارلیمانی امور اعظم خان سواتی تحریک پیش کرے کہ دا ایوان مقبوضہ جموں و کشمیر نا خصوصی حیثیت نا بابت آن 370اے انا چٹفنگ نا مذمت ءِ کیک۔ تحریک اٹی پاننگانے کہ بھارتی فوج انا کنڈآن آزاد جموں و کشمیر اٹی شاری آبادی آ بے خار سم کاری و گولہ باری نا واقعہ غاتے ٹی ساڑی آ ودکی و کلسٹر بمب آتا کاریم اٹ اتنگ، بھارتی مقبوضہ جموں وکشمیر اٹی ودکی فوجی تا تعیناتی و ہموڑے کروک آ بیدادی نیزساڑی ہی ٹی وقوع پذیر مروک آ بدلی تا حالیت آتیا پارلیمنٹ نا اسیجائی دیوان اٹی شرہ کننگے۔
