اسلام آباد۔ 06اگست (اے پی پی) سینیٹ نا ڈپٹی چیئرمین سلیم مانڈوی والا پارینے کہ کشمیر اٹی ظلم کننگ انگ ءِ، بھارت اقوام متحدہ نا قراردادآتا خلاف ورزی ءِ کننگ ءِ، بھارت کشمیر نا وتواجہ حیثیت ءِ بدل کننگ خواہک، بھارتی گام گیج آتا سوب آن علاقائی امن ءِ خطرہ ءِ، بھارت بایدے سوچ سمجھ اٹ گام ہرفے، کشمیر نا ویل آ سے شنبے نادے آ پارلیمنٹ نا اسیجائی دیوان ءِ بٹنگ انگانے۔ سے شنبے نادے آ تینا اسہ بیان اسے ٹی اوپارے کہ دنیا ءِ کلہو تننگ خوانہ کہ سیاسی سرکڑدہ غاک کشمیر نا ویل آ یکجاءُ۔ کشمیر اٹی ظلم کننگ انگ ءِ، بھارت اقوام متحدہ نا قرارداد آتا خلاف ورزی ءِ کننگ ءِ۔ بھارت کشمیر نا وتواجہ حیثیت ءِ بدل کننگ خواہک۔ اوپارے کہ بھارتی گام گیج آتا سوب آن علاقائی امن ءِ خطرہ ءِ۔ بھارت بایدے سوچ سمجھ اٹ گام ہرفے۔ دا گام گیج آتا سوب آن بھارت اٹی ہم امن خراب مریک۔ سلیم مانڈوی والا پارے کہ پارلیمنٹ نا اسیجائی دیوان چیئرمین پیپلزپارٹی بلاول بھٹو نا درخواست آ بٹنگ انگانے۔ اینو نا دیوان اٹی غٹ سیاسی جماعت آک بشخ ہلیرہ۔ اوپارے کہ کشمیر نا ویل آ مچ آ سیاسی سرکڑدہ غاک یکجاءُ۔ کشمیر نا ویل آ ہچ ءُ دورائے اس اف۔
