ہری پور۔ 06اگست (اے پی پی) بنجائی وزیر توانائی پٹرولیم و قدرتی وسیلہ عمر ایوب خان پارینے کہ ہری پور اٹی گچین مروک آ نمائندہ غاتا گچین نیٹ ورکنگ نا سوب آن ارب آ روپئی نا ریکارڈ و تاریخی شونداری کاریم برجاءِ، داہیت ءِ او یونین کونسل جٹی پنڈ نا خلق سملاں نیگر اٹی روڈ انا بنائی دود آن تران کرسا کرے۔ داکان مست صوبائی وزیر مواصلات و تعمیرات اکبر ایوب خان، چیئرمین ڈیڈک باسک صوبائی اسمبلی ارشد ایوب خان و راہشون تحریک انصاف مسکوہی صوبائی وزیر یوسف ایوب خان ئسک ہم تران کریر۔ عمر ایوب خان پارے کہ بجلی نا وزارت ءِ چیلنج اس ہلسا امنا کریٹ، الحمداللہ اینو نئے بیرہ بجلی نا ویل آتے ایسر کننگ اٹ سرسہب مسونن بلکن اسہ سال اسے ٹی 190 ارب روپئی نا بچت کرین، محکمہ گیس انا وزارت ءِ ملوک داسکان بھاز مشکل اٹ اِرامسہ تُو مسنے 20 ارب روپئی دُزآتیان پدی ہلکونن، بجلی و گیس انا ویل آتا ایسری، دُزی نا چٹفنگ و سلوک آ پیسہ غاتا ہلنگ تون اوار اوار ملازم آتا حق انا رکھ ءِ ہم کننگ اُن، تدوک آ دے تیٹی ہم سندھ اٹی اسہ گچین مروک ءُ نمائندہ سے نا کنڈآن بڑزکو آفیسر آ بیدادی نا واقعہ نا دمدستی نوٹس ءِ ہلکن۔ اوپارے کہ ہری پور اٹی گچین مروک آ نمائندہ غاتا نیام اٹ گچین ورکنگ ریلیشن نا سوب ارب آ روپئی تا شونداری کاریم برجاءِ، ہری پور نا ہمو علاقہ غاتسکان گیس انا آسراتی ءِ سرکینہ ہرافتا بارواٹ ہچ کس سجفتنے۔
