اسلام آباد۔ 5 اگست (اے پی پی) صدر مملکت ڈاکٹر عارف علوی ءَ گوشت کہ درمان ءِ گہترءِ آسراتی مردمانی فلاح ءُُ بہبود ءِ ھاترا باز الم انت،اے درگت ءَ جان سلامتی ءِ ھوالہ چہ احتیاطی راھبنداں را دراجی دیگ بیت تنکہ درمان ءِ مدءَ بوتگیں ھرچانی تہ کمی آرگ بیت،ملک ءِ تہ یونیورسٹی آنی کمی ءِ جیڈھ ءَ را بامقصد آن لائن کورسز ءِ پراھی ءُُ تعلیمی ادارگہانی تاں رسائی ءِ تہ گہتری ءِ وسیلگ ءَ پورا کنگ بہ بیت۔آں ایسوسی ایشن آف پاکستانیز ڈیسینٹ آف نارتھ امریکا (اپنا)ءِ صدر ڈاکٹر ناہید عثمانی ءَ گوں گپ ءُُ تران کنگ ات آہاں دوشمبے ءَ ادا ایوان صدر ءِ تہ گند ءُُ نند کتگ۔ صدر مملکت ءَ گوشت کہ درمان ءِ گہتر ءِ آسراتی مردمانی فلاح ءُُ بہبود ءِ ھاترا باز الم انت،اے درگت ءَ مارءَ جان سلامتی ءِ ھوالہ چہ احتیاتی راھبندءَ را پراھی دیگ لوٹ ایت پرچا کہ علاج ءَ چہ احتیاط گہتر انت۔آہاں گوشت کہ بنیاتی جان سلامتی ءِ آسراتی ءِ تہ ودکی چہ درمان ءِ مد ءَ بیوکیں ھرچ ءَ را کم کنگ ءِ تہ کمک رسیت۔ صدر مملکت ءَ ورناہ ڈاکٹر ز ءِ تعلیم ءِ ھوالہ چہ (اپنا)ءِ ہزمت ءَ را ساڑاتگ ءُُ گوشت کہ پاکستان سکالرشپس ءِ وسیلگ ءَ ضلورت مندیں میڈیکل ءِ نودربرانی کمک ءُُ وتی ہزمت ءِ قدر کنگ انت۔آہاں پاکستان ءِ تہ (اپنا) ءِ تعلیمی مراگشءَ را تاگت دیگ ءِ ضلورت ءِ سرا زور داتگ ءُُ گوشت کہ شاھدربرانی کمی ءِ جیڈھ ءَ را بامقصدآن لائن کورسز ءِ پراھی ءُُ تعلیمی ادارگہانی تاں رسائی تہ گہتری ءِ وسیلگ ءَ پیلو کنگ بیت۔اے موہ ءَ ڈاکٹر ناہید عثمانیءَ گوشت کہ پاداتگیں موہ چہ چکاریں وڈ ءَ نپ چست کنگ ءِ ھاترا (اپنا) یو ایس ایڈ،ایچ ای سیءُُ پی ایم ڈی سی ءِ میان ءَ گہتریں کمک ءِ ضلورت انت۔
