اسلام آباد۔ 5 اگست (اے پی پی) مزن وزیر عمران خان ءَ وزارت ءِ صنعت ءُُ پیدوار ءَ را سٹیل مل ءِ چالو کنگ ءِ ھوالگ ءَ کوشست آناں گیش ترند کنگ پنت ءُُ شون دیان ءَ گوشت کہ سٹیل ءَ را تاوان ءَ چہ بچارینگ ءُُ ایشی ءِ برجائی حکومت ءِ اولی کار انت۔ آئی ءَ اے گپ پاکستان سٹیل مل ءِ چالو کنگ ءِ ھوالگ ءَ آیوکیں گامگیج آنی چار ءُُ بچار ءِ ساھت دیوان ءِ سروکی ءَ کنان ءَ کت۔ دیوان ءَ مشیر ءَ تجارت عبدالرزاق داؤد، مشیر ھزانگ عبدالحفیظ شیخ، سیکرٹری وزارت ءِ صنعت ءُُ پیداوار، سیکرٹری نجکاری ڈویژن ءُُ ایندگر اپسرگ شریک اتنت۔ مزن وزیر ءَ را سٹیل مل ءِ استیں جاور ھال، مل ءِ بندش ءِ سبب ءَ بوتگیں تاوان، سٹیل مل ءِ چالو ءِ رد ءَ استیں حکومت ءِ نیمگ ءَ جتگیں گامگیج ءُُ پیسلہ آنی رد ءَ انوگ ءَ تاں دیمروئی کار آنی سر ءَ چمشانک دات۔ مزن وزیر ءَ را گوشگ بوت کہ سٹیل مل 2008ءَ تاں سیت مندیں ادارگ ءِ بوتگ ایش کہ 2009ءَ تاوان ءَ آماچ بوتگ ءُُ جون 2015ءَ سٹیل مل سرجمیں رنگ ءَ بند کنگ بوتگ۔ ادارگ یک شل ءَ تاوان ءِ تہ ءَ روگ ءَ انت۔ ایوک ءَ مزدگر آنی پگار ءِ واستہ حکومت 37کروڑ کلدار ھمک ماھ برداشت کنگ ءَ انت۔ مزن وزیر ءَ را گوشگ بوت کہ انوگ ءَ تاں سٹیل مل ءِ زمہ ءَ وام 217 ارب ءَ تاں شتگ اَنت۔ مزن وزیر ءَ گوشت کہ سٹیل مل ءَ را تاوان ءَ چہ بچگ ءِ واستہ ایشی ءِ جوڑیشت حکومت ءِ اولی ترجی انت۔ آئی ءَگ وشت کہ اے سیت ایگیں ادارگ ات ایشی ءِ تباھی گوستگیں بد یں انتظامی ءُُ دُزئی ءِ سہرائیں درور ات، مزن وزیر ءَ وزارت ءِ صنعت ءُُ پیداوار ءَ را پنت ءُُ شون کت کہ سٹیل مل ءِ جوڑیشت ءِ رد ءَ کوشست آناں گیش ترند کنگ بہ بنت۔
