اسلام آباد۔ 05 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ بھارت نا کاغدی کارروائی ءِ مسترد کینہ، بھارت نا مذموم کوشست آن ڈغاری راستکی بدل متو، بھارت نا داعمل کشمیر نا تحریک آجوئی ءِ پین ودفینے، پاکستان کشمیری تے تنیا الیپک، پاکستان غٹ دوئی آپشن تے کاریم اٹ تیک۔ داخیال آتا درشانی ءِ او دوشنبے نادے آ تینا اسہ ٹویٹ اسے ٹی کرے۔ ڈاکٹر فردوس عاشق اعوان پارے کہ بھارت نا کاغدی کارروائی ءِ مسترد کینہ۔ بھارت نا مذموم کوشست آن ڈغاری راستکی بدل متنے، بھارت نا داعمل کشمیری تا تحریک آجوئی ءِ ترند کرینے۔ اوپارے کہ بھارت نا داحرکت کشمیر نا ویل ءِ دنیا ٹی پبی تالان کرے۔ خصوصی کمکار پارے کہ دا گام گیج اقوام متحدہ و سیکورٹی کونسل نا قرارداد آتا سنگین خلاف ورزی ءِ۔ پاکستان کشمیری تے تنیا الیپک و غٹ دوئی آپشن تے کاریم اٹی اتیک۔
