اسلام آباد۔05 اگست (اے پی پی) ڈپٹی چیئرمین سینیٹ سلیم مانڈوی والا پارینے کہ کشمیر اسہ وت واجہ ءُ ریاست اسے، مقبوضہ کشمیر اٹی بھارتی کانود لاگو مننگ کپک، کشمیر نا ویل ءِ اقوام متحدہ نا قرارداد آتے مون آ تخسا ایسر مروئی ءِ۔ دوشنبے نادے آ تینا اسہ بیان اسے ٹی پارے کہ بھارت مقبوضہ کشمیر اٹی آرٹیکل 35اے و 370 ءِ منسوخ کننگ کپک۔ کشمیر اسہ وت واجہ ءُ ریاست اسے۔ مقبوضہ کشمیر اٹی بھارتی کانود لاگو مننگ کپک۔ ڈپٹی چیئرمین پارے کہ کشمیر نا ویل ءِ اقوام متحدہ نا قراردادآتے مون آتخسا ایسر مروئی ءِ۔ بھارت مقبوضہ کشمیر اٹی ریاستی جبر انا چرجوئی ءِ بند کے۔ اوپارے کہ کشمیر نا الس ءِ حق خودارادیت تننگے۔ جہانی برادری مقبوضہ کشمیر نا حالیت آتا نوٹس ءِ ہلے۔ بھارت ڈیہہ نا امن ءِ خراب کننگ ءِ۔
