اسلام آباد۔ 04اگست (اے پی پی)دری معاملہانی بنجاہی وزیر شاہ محمود قریشی ءَ اسلامی کمک گل(او آئی سی) ءِ سیکرٹری جنرل ڈاکٹر یوسف احمد العثیمین ءِ گوما ٹیلی فون سرا رابطہ کتگ ءُُ ایشی چہ زوربرتگیں کشمیر ءِ تہ گیش بوتگیں بھارتی جارحیت ءُُ امن ءُُ ایمنی ءِ جاورھال ءِ سرا ھیال ریچی کتگ۔دری معاملہانی وزیر ءَ گوشت کہ بھارت ءِ نیمگا چہ کشمیریانی سرا تاگت ءِ کارمرزی باز اپسوز ناک انت۔ بھارت کشمیریانی سرا زلم ءُ زوراکی ءَ کنگ انت ءُُ میاں اوستمانی کانودءِ ھلاپ ورزی ءَ کنگ انت۔اے وڈءِ جاورءَ او آئی سی ءِ نگیگیں جاورانی نوٹس ءَ زورایت ءُُ اے درگت ءَ وتی کمک ءِ سدکی دیگ اوں۔دری کارانی وزیر شاہ محمود قریشی ءِ نیمگا چہ دری معاملہانی وزیر شاہ محمود قریشی ءِ نیمگا چہ دری معاملہانی کارگس ءِ تہ پیسریگیں سیکرٹریز ءِ اناگتیں شؤرءُُ صلاح ءِ دیوان برجم دارگ بوتگ ایشی ءِ تہ سیکرٹری دری امور سہیل محمود ءُُ پیسریگیں سیکرٹریز ءَ بھرزوری کتگ۔دیوان ءِ تہ کشمیر ءِ تہ گیش بوتگیں زلم ءُُ زوراکی ءِ سرا تکانسری ءِ جاورءَ شؤرءُُ صلاح کتگ۔
