پولیس ءِ شہداء ءِ لازوال قربانیانی سرا آہاں را خراج عقیدت پیش کنگ اوں،اعجاز شاہ

اسلام آباد۔ 4 اگست (اے پی پی) تہی کارانی بنجاہی وزیر اعجاز احمد شاہ ءَ گوشت کہ پولیس شہداء ءِ لازوال قربانیانی سرا آہاں را خراج عقیدت پیش کنگ اوں۔وسیلگ ءِ کمی ءُُ دگہ جیڈھانی ابید پولیس وتی زمہ وارایاں سرجمیں وڈ ءَ پیلو کنگ انت۔دراھیں شہداء ءِ تبکانی برزی ءِ ھاترا دعاگو انت۔یک شمبے ءَ تہی کارانی بنجاہی وزیر ءَ یوم شہداء ءِ پولیس ءِ بیان ءِ تہ گوشت کہ سلام پیش کنگاں ہما مات ءَ را کہ آہاں وتی بچک ءَ را ملک ءُُ راج ءِ رکھگ ءِ ھاترا جان ندر کتگ ات۔ملک ءِ ھلاپ کارروائی کنوکاں را ہروھد دیم ءِ پروشت داتگ انت۔پولیس ءِ شہدا ءِ قربانی اے گپ ءِ پدرائی انت کہ پاکستان مھکمیں دستاں انت ءُُ ایشی ءِ شرپ ءُُ بقا ءِ ھاترا جان دیگ ءَ پہ ساجو انت۔