اسلام آباد۔ 3 اگست (اے پی پی)سپیکر قومی اسمبلی اسد قیصرءُُ ڈپٹی سپیکر قاسم خان سوری ءَ وادی نیلم ءِ تہ بھارتی اُردو ءِ نیمگا چہ لین آف کنٹرول ءِ ھلاپ ورزی ءُُ سول آباتی ءِ سرا کلسٹر بمب دور دیگ ءِ سکیں لبزاں ایراد گپتگ۔ھپتگ روچ ءَ وتی جتا جتاھیں ایرادی بیان ءَ آہاں گوشت کہ بھارتی اشتعال انگیزی ءِ آسرءَ کیمتی انسانی جانانی ءُُ ملکیتءَ را تاوان ءِ سرا جہلانکیں ڈکھ ءُُ اپسوز ءِ درشان کتگ۔سپیکر ءُُ ڈپٹی سپیکرءَ بھارتی اشتعال انگزی ءِ آسرءَ شہید بوتگیں معصومیں مردمانی ھاندان ءَ گوں دلی ہمدردی ءِ درشان کتگ۔سپیکر ءَ گوشت کہ بھارت کشمیر ءِ جیڈھ ءِ سرا پاکستان ءِ سوبمندءِ ڈنی پالیسی ءُُ سفارتکاری ءَ چہ ترس ءِ آماچ انت۔میاں اوستمانی براھندگی بھارت ءِ نیمگا چہ کلسٹر بمب ءِ کارمرزی ءُُ جنیوا کنویشن ءِ ھلاپی ءِ نوٹس ءَ زورایت
