اسلام آباد۔ 03اگست (اے پی پی) بھارت ءِ نیمگا چہ لین آف کنٹرول ءِ سرا شہری آباتی ءَ را کلسٹر بمب ءَ گوں نشانگ جوڈ کنگ ءِ انکشاف بوتگ وھدیکہ پاکستان ءَ میاں اوستمانی براھندگی ءَ چہ اپیل کتگ کہ آں ایشی ءِ نوٹس ءَ زورانت، بھارتی فوج ءَ 30 ءُُ31 جولائی ءِ میانی شپ ءَ نیلم ویلی ءِ تہ سول آباتی ءِ سرا کلسٹر بمب دور داتگ۔ ذرائعءِ ردا بھارت ءِ نیمگا چہ ایل او سی جنگ بندی معاہدہ ءِ ھلاپ ورزی برجاہ انت۔بھارتی فوج ءَ ایل او سی ءِ سرا شہری آنی سرا بمب مان کتگ ات۔شہری آباتی سرا کلسٹر بمب آنی کارمرزی جنیوا کنوینشن ءُُ میاں اوستمانی کانود ءِ ھلاپ ورزی انت۔بھارتی فوجءَ 30ءُُ31جولائی ءِ شپ ءَ نیلم ویلی ءِ تہ کشمیریاں را نشانگ جوڈ کتگ۔بھارتی جارحیت ءِ آسرءَ چار سالہ زھگءِ ھوار دو مردم شہید ءُُ 11سک ٹپی بوتگ ات۔پاکستان ءِ نیمگا چہ میاں اوستمانی براھندگی کلسٹر بمب آنی کارمرزی ءِ نوٹس ءَ زورایت۔
