اسلام آباد۔ 3 اگست (اے پی پی)کشمیر ءِ معاملہانی بنجاہی وزیر علی امین گنڈا پور ءَ زوربرتگیں کشمیر ءِ جاورءِ سرا تکانسری ءِ درشان کنان ءَ گوشت کہ بھارت وتی ریاستی ناشرکاری ءَ چہ زوربرتگیں کشمیر ءِ تہ تُرس تالان کنگ ءِ کوشست ءُُ زوربرتگیں کشمیر ءِ ڈیموگرافی بدل کنگ ءِ پندل جوڈ کنگ انت۔ھپتگ ءَ وتی بیان ءِ تہ آہاں گوشت کہ زوربرتگیں کشمیر ءِ تہ ماروائے آمیدگس واکیہ ءَ ترندی ءَ گوں ودکی بوھگ انت،زوربرتگیں وادی ءِ تہ قابض فوج ءِ کساس ءَ را گیش کنگ ءَ گوں وتی ردیں مول ءَ سرجم کت مہ کن ایت۔ علی امین گنڈاپور ءَ گوشت کہ کشمیریانی حق خودارادیت ءِ مقابلہ فوج گیش کنگ ءَ گوں مہ کنگ بیت۔آہاں گوشت کہ دھ ہزار فوج بیت یا بیست لکھ،بھارت یک روچے ءَ کشمیریانی آزاتی ءِ جوزگ ءِ دیما سر جھل کن انت۔آہاں گوشت کہ بھارت کشمیر ءِ جیڈھ ءِ سرا ثالثی منئگ ءِ ابید جاورءَ گیش ھراب کنگ انت۔ علی امین گنڈاپور ءَ میاں اوستمانی براتری ءَ چہ لوٹ کتگ کہ آں بھارتی ریاستی ناشرکاری ءِ زوت نوٹس ءَ گپت۔
