اسلام آباد ۔ 02اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ سینیٹ نا کٹنگ جمہوریت ءِ روبوٹ آنبار چلیفوک آتا سیاست ءِ دفن کرے، اپوزیشن اول تینا صف آتے ٹی جمہوریت ءِ مون آ دے، شرفمند آ سینیٹر آتے دھڑکو تننگ بے کچ مذمت نا قابل ءِ، تینا مرضی اٹ وونٹ تننگ ہی اصل جمہوریت ءِ، چھانگا مانگا گروپ آف انڈسٹریز ءِ چلیفوک آک اینو ہرا مون اتون ضمیر نا توار آ لبیک پاروک آتا برخلاف ہیت کننگ ءُ ۔ جمعہ نادے آ تینا ٹویٹ اٹی ڈاکٹر فردوس عاشق اعوان پارے کہ سینیٹ نا کٹنگ جمہوریت ءِ روبوٹ آنبار چلیفوک آتا سیاست ءِ دفن کرینے ۔ ڈاکٹر فردوس عاشق اعوان پارے کہ چھانگا مانگا گروپ آف انڈسٹریز ءِ چلیفوک آک اینو ہرامون اتون ضمیر نا توار آ لبیک پاروک آتا برخلاف ہیت کننگ ءُ ۔ اوپارے کہ راجکماری جی خن تے مل، دا پوسکن آ پاکستان ءِ ، داڑے خلقت ضمیر نا توار آ میراتی غلامانہ سیاست ءِ مسترد کننگ ءُ ۔ خصوصی کمکار پارے کہ 2013ء ٹی ضل سبحانی الیکشن نتیجہ غاتیان مست ہی پڑو کرسا ہرادھاندلی ءِ کریسس او دے راجکماری انت اکن است آن درے ۔ ڈاکٹر فردوس عاشق اعوان پارے کہ جندی و سیاسی فائدہ غاتے کن نی بنجا نا علامت ادارہ غاتے ہم معاف کتویس ۔
