اسلام آباد ۔ 02اگست (اے پی پی) پاک بحریہ نا سروک ایڈمرل ظفر محمود عباسی تون امریکہ نا سینئر ڈیفنس آفیشل بریگیڈیئر جنرل ایڈم آرسلورس اوڑدہی کرے ہراٹی علاقائی سیکورٹی حالیت و تین پہ تینی است خواہی نا معاملہ غاتیا گپ و تران کننگا ۔ ترجمان پاک بحریہ نا رداٹ پاک بحریہ نا سروک ایڈمرل ظفر محمود عباسی تون امریکہ نا سینئر ڈیفنس آفیشل بریگیڈیئر جنرل ایڈم آر سلورس جمعہ نادے آ نیول ہیڈ کوارٹر اسلام آباد نا دورہ ءِ کرے ہراڑے او پاک بحریہ نا سروک تون اوڑدہی کرے ۔ ایڈمرل ظفر محمود عباسی ڈیہہ نا امن و سوگوی ٹی پاک بحریہ نا کڑد ءِ مون آ تخا ۔ ترجمان پاک بحریہ نا رداٹ سینئر آفیشلز اوڑدہی ہڑتوم آ ملک آتا تعلقداری تے مون آ دننگ اٹ کلیدی کڑد ادا کیک ۔
