اسلام آباد ۔ 02اگست (اے پی پی) صدر مملکت ڈاکٹر عارف علوی گورنر سندھ ءِ خاص کر کراچی ٹی ساڑی آ پِر تیان الس ءِ مون تروک ویل آتا دمدستی ایسری کن غٹ وسیلہ غاتے کاریم اٹ اتنگ نا پارت کرینے ۔ اوداہیت ءِ گورنر سندھ عمران اسماعیل تون گپ و تران کرسا پارے ہراجمعہ نا دے آ ایوان صدر اٹی اوڑتون اوڑدہی کرے ۔ اوڑدہی ٹی صوبہ نا جم اٹنگا حالیت خاص کر کراچی نا حالیت آتیا گپ و تران مس ۔ گورنر سندھ کراچی ٹی ساڑی آ پِر تیان الس ءِ مون تروک ویل و اوفتا ایسری نا چرجوئی ٹی چست کروک آ گام گیج آتا بابت صدر مملکت ءِ معلومدار کرے ۔ صدر گورنر سندھ ءِ دا ویل آتا دمدستی ایسری کن غٹ وسیلہ غاتے کاریم اٹ اتنگ نا پارت کرے ۔ اوڑدہی ٹی گورنر سندھ بنجائی حکومت نا سندھ اٹی جاری ڈٹ آتا پیش رفت آ صدر ءِ معلومدار کرے ۔
