اسلام آباد ۔ 02اگست (اے پی پی) وزیراعظم عمران خان چیئرمین سینیٹ محمد صادق سنجرانی ءِ ایوان نا پت دوئی کننگ آ مبارکباد ترسا اومیت ظاہر کرینے کہ او سینیٹ نا کارروائی ءِ جوانی اٹ چلیفنگ نا بابت تینا زمواری تے مست آنبار جوان وڑاٹ ادا کرساکیک ۔ اوداہیت ءِ چیئرمین سینیٹ صادق سنجرانی تون گپ و تران کرسا پارے ہرا جمعہ نادے آ وزیراعظم آفس اٹی اوڑتون اوڑدہی کرے ۔ اوڑدہی ٹی ایوان بالا ٹی قائد ایوان سید شبلی فراز، وزیر دفاع پرویز خٹک و سینیٹر بیرسٹر محمد علی سیف ئسک ہم ساڑی ئسر ۔ وزیراعظم چیئرمین سینیٹ تون گپ و تران کرسا اومیت ظاہر کرے کہ سینیٹ نا کارروائی ءِ جوانی اٹ چلیفنگ نا بابت چیئرمین سینیٹ تینا زمواری تے ہنداوڑجوان وڑاٹ ادا کرسا کیک ہرافتا درشانی ءِ او مست آن کرسا کرینے ۔ وزیراعظم پارے کہ چیئرمین سینیٹ نا سرکڑدہ ہی آ سینیٹ باسک آتا پبی پت باسک آتا کنڈآن اونا قائدانہ لاءخی و ایوان نا کارروائی ءِ جوان وڑاٹ چلیفنگ نا تصدیق ءِ ۔
