اسلام آباد ۔ 01اگست (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ نرسنگ نا بشخ اٹی شونداری کن ترندی اٹ اصلاحات کننگ انگ ءِ، نرسنگ نا بشخ جان جوڑی نا بشخ اٹی مخ انا ملی نا حیثیت تخک ۔ اوداہیت ءِ پنچ شنبے نادے آ پاکستان نرسنگ کونسل نا پوسکن گچین مروک آ صدر، نائب صدر و ایلو باسک آتون تران کرسا پارے ۔ اوپارے کہ ملک ءِ داوخت آ نرسنگ نا کمتی نا مون تروک ءِ تدوک آ ہفتاد سال اٹی دا بشخ ءِ گوجالنگانے، وزیراعظم عمران خان نا وژن نا رداٹ جان جوڑی نا بشخ اٹی ہرا اصلاحات و انقلابی بدلی اتوئی ءِ اوٹی پاکستان نرسنگ نا اسہ بھاز بھلو کڑد اسے ۔
