اسلام آباد ۔ 01اگست (اے پی پی) صدر مملکت ڈاکٹر عارف علوی پارینے کہ پاکستان امن پسند ءُ ملک اسے و خاص کر تینا ہمسایہ ملک آتون پرامن بقائے تین پہ تینی آ باور کیک، پاکستان بھارت تون جموں کشمیرتون اوار غٹ ایسر نا چاری ویل آتے مذاکرات نا کمک اٹ ایسر کننگ خواہک، پرتگال و بیلجیئم تون ہڑتوم آ کنڈآتا واپار ءِ مون آ دننگ کن فعال و جامع گام گیج چست کننگ ناگر جءِ ۔ داہیت ءِ او پرتگال و بیلجیئم کن پاکستان نا پندار سفیر جاوید جلیل خٹک و ظہیر اسلم جنجوعہ تون اوڑدہی ٹی گپ و تران کرسا پارے ۔ ہڑتوم آ پندار سفیر آک صدر مملکت تون جتا جتا اوڑدہی کریر ۔ صدر مملکت ہڑتوم آ پندار سفیر آتیا زور شاغا کہ پاکستان سیل و سوات نا بشخ اٹی وسیع تر استعداد نا حامل ءُ ملک اسے و او پرتگال و بیلجیئم اٹی پاکستانی سیل و سوات ءِ مون آ دننگ کن بایدے کاریم کے ۔
