صدر بلوچستان عوامی پارٹی وزیراعلیٰ بلوچستان جام کمال خان اپوزیشن نا تحریک اعتماد نا برخلاف چیئرمین سینیٹ محمد صادق سنجرانی نا سرسہبی آ خوشی نا درشان

کوءٹہ ۔ 01 اگست (اے پی پی) صدر بلوچستان عوامی پارٹی وزیراعلیٰ بلوچستان جام کمال خان اپوزیشن نا تحریک اعتماد نا برخلاف چیئرمین سینیٹ محمد صادق سنجرانی نا سرسہبی آ خوشی نا درشانی ءِ کرینے، تینا اسہ تہنیتی کلہو اسے ٹی وزیراعلیٰ پارے کہ سینیٹ نا باسک آک تینا ضمیر نا رداٹ حق رائے دہی نا درشانی ءِ کرسا سیاسی نزوری نا کوشست ءِ بے سہب کریر ۔ وزیراعلیٰ پارے کہ او ایوان بالا نا تقدس ءِ بحال تخنگ کن چیئرمین سینیٹ محمد صادق سنجرانی نا مخ تفی ءِ کروک آ سینیٹر آتے مبارکباد پیش کیک، اوپارے کہ اینو نا دے ملک انا سیاسی تاریخ نا روشنا دے انا وڑاٹ مدام یات تخنگک ۔ وزیراعلیٰ پارے کہ بلوچستان نا الس و بلوچستان عوامی پارٹی تون تفوک آ سینیٹر آتا منت واری ءِ ہرفیرہ ، صدر بلوچستان عوامی پارٹی مستی پارے کہ بلوچستان ءِ اولیکو وار چیئرمین سینیٹ نا عہدہ ملا و چیئرمین نا برخلاف اپوزیشن نا تحریک عدم اعتماد بے سوب ئس، ہرادے اپوزیشن نا بھاز انگا سینیٹر آک ہم مسترد کریر، اوپارے کہ چیئرمین سینیٹ صادق سنجرانی نا بے کنڈ ہلوک رویہ ءِ اپوزیشن باسک آک ہم امنا کروسر و اونا دا کڑد انا معترف ءِ و ایوان بالا ءِ صادق سنجرانی کون آ بے کنڈ ہلوک شخصیت نا گرج ءِ ۔ وزیراعلیٰ پارے کہ جمہوریت نا برخلاف ہچ ءُ سازش اس سرسہب مفک اپوزیشن ہم جمہوریت نا سوگوی ٹی تینا کڑد ءِ ادا کے ۔

متعلقہ مضامینمصنف کی طرف سے مزید