وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان نا پارلیمنٹ نا پیشن میڈیا تون گپ و تران

اسلام آباد ۔ 01 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ سینیٹ بنجا نا علامت ءِ، جاگہ اس ہم اودے نزوری نا گواچی مننگ کن الیپنہ، ہرانا بیانیہ اینو وزنی ءِ اونا پلڑا ہم وزنی مریک ، آئین کانود نا حکمرانی مریک ۔ پنچ شنبے نادے آ پارلیمنٹ ہاءوس نا پیشن میڈیا تون گپ و تران کرسا اوپارے کہ یقینا سینیٹرآک تینا ضمیر و حق انا رداٹ فیصلہ کیرہ، دن ءُ ہچ ءُ گڑاس مفک ہرا پاکستان ءِ نزور کے ۔ اوپارے کہ سینیٹ بنجا نا علامت ادارہ ءِ ، جاگہ اس ہم اودے نزوری نا گواچی مننگ کن الیپنہ ۔ ڈاکٹر فردوس عاشق اعوان پارے کہ ہرانمبرز گیم ءِ، ہرا آزاد سینیٹرآک ءُ او طرب انا پتہ غاک ءُ، او تینا ضمیر نا توار ءِ بنرہ و پاکستان نا بیانیہ ءِ سپورٹ کیرہ یا پاکستان نا ایلو کنڈ انا اومیتدار نا مخ تفی ءِ کیرہ ولے مقابلہ ضرور کینہ ۔ اوپارے کہ ہرانا بیانیہ وزنی مریک، او قوم انا بیانیہ مریک ، او پاکستان نا بیانیہ مریک ، انشاء اللہ سرسہب مرینہ ۔