اسلام آباد ۔ 31 جولائی (اے پی پی) کابینہ ءِ اقتصادی رابطہ کمیٹی (ای سی سی) ءَ الس آنی ریلیف دیگ ءِ واستہ کسانیں ترون آنی واستہ گیس ءِ نیاد ءِ تہ ءَ گیشی ءَ را واپس زوران ءَ ایشرا 30جون 2019ءِ تک ءَ برجا کت، ایس سی سی ءَ نگن ءِ کوھنیں نیاد ءَ را دل یکیمی کنگ ءِ واستہ صوبائی حکومت ءُُ سیادی داروکیں کارندہ آناں جوانی ءَ گوں پرائس کنٹرول ءَ را دل یکیمی کنگ ءِ پنت ءُُ شون دات ۔ اقتصادی رابطہ کمیٹی ءَ کاٹن ءِ ڈن ءَ چہ آرگ ءِ 10درسد ریگولیٹری ڈیوٹی جنگ ءِ پیسلہ ھم کتگ ۔ کابینہ ءِ اقتصادی رابطہ کمیٹی ءِ دیوان چار شمبے ءِ مزن وزیر ءِ مشیر برائے ھزانگ ءُُ مڈی ڈاکٹرعبدالحفیظ شیخ ءِ سروکی ءَ برجم داشتگیں دیوان ءِ سروکی ءَ کنان ءَ بوت ۔ دیوان ءَ نگن ءِ نیاد ءِ تہ ءَ گیشی ءِ سر ءَ چار ءُُ بچار کنگ بوت ءُُ الس آنی سیت ءَ یکم جولائی 2017ءَ چہ نگن پچوکیں کسانیں ترون آنی واستہ گیس ءِ نیا د ءِ سر ءَ چار ءُُ بچار ءِ رد ءَ وزارت ءِ ھاٹیگ ءِ شور ءُُ سلاھ ءِ منظوری دیگ بوت ۔ دیوان ءَ لس آناں ریلیگ دیگ ءِ واستہ ترون ءِ واستہ گیس ءِ نیاد ءِ تہ ءَ گیشی ءَ را واپس زورگ ایشراس 30 جون 2019 ءِ رد ءَ واپس برجا کنگ ءِ پیسلہ کنگ بوت ۔ دیوان ءَ را گوشگ بوت کہ نگن ءَ 55ءَ چہ بگر 60درسد تاں نیاد گندم ایگ انت، ایشانی تہ ءَ اچ رنگ ءَ گیشی کنگ نہ بوتگ، یکم جولائی 2019 ءَ چہ نوکیں ٹیرف آنی تہ ءَ نگن والا کسانیں ترون آنی گیش ءِ نیاد ءِ تہ ءَ گیشی کنگ نہ بوتگ، نگن ءِ نیاد ءِ تہ ءَ گیس ءِ نیاد ءِ کساس 20ءَ چہ بگر 25درسد تاں بیت انت ۔
