بنجاھی وزیر برائے نیشنل فوڈ سکیورٹی اینڈ ریسرچ صاحبزادہ محبوب سلطان ءِ ’’کلین اینڈ گرین پاکستان‘‘ مراگش ءَ گشتانک

اسلام آباد ۔ 31 جولائی (اے پی پی) بنجاھی وزیر برائے نیشنل فوڈ سکیورٹی اینڈ ریسرچ صاحبزادہ محبوب سلطان ءَ گوشت کہ پلاسٹک ءِ تیلا مئے ایٹماسپئر ءِ واستہ بیم اَنت، دگنیا ءَ بازیں ملک آں ایشی ءَ چہ وتارا پھریز اتگ، اے رد ءَ چلائینتگیں گامگیج ءِ تہ ءَ گیشاں چہ گیش بھر زوری کناں ۔ چار شمبے ءِ روچ ءَ وزارت ءِ نیشنل فوڈ سیکورٹی اینڈ ریسرچ ءَ ’’کلین اینڈ گرین پاکستان‘‘ ءِ مراگش ءِ برجم داشت ایشی ءِ تہ ءَ وزیر ءِ مملکت موسمی مٹ ءُُ بدلی زرتاج گل ءَ ھم بھر زوری کت ۔ بنجاھی وزیر صاحبزادہ محبوب سلطان ءَ مراگش ءَ گوں تران کنان ءَ گوشت کہ پلاسٹک ءِ تیلا مئے ایٹماسپئر ءِ واستہ ٹوھیں بیم ءُُ ترس اَنت، دگنیا ءِ بازیں ملک آں باز پیسر ءَ چہ وتارا ایشی ءَ چہ پھریز اتگ، مارا وشی رستگ کہ پی ٹی آئی ءِ حکومت ءَ پلاسٹک ءِ تیلا آنی ھلاسی ءَ جوانیں گامگیج کتگ ءُُ کنگ ءَ انت، ایشی ءَ چہ مئے ایٹماسپئر ءَ را رکھینگ ءَ باز کمک رسیت ۔ زرتاج گل ءَ ھم گامگیج ءِ رد ءَ پلاسٹک تیلا ءِ مٹوئی ءَ تیلا ھم بھر ءُُ بانگ کت ۔