اسلام آباد۔ 31 جولائی (اے پی پی) مزن وزیر عمران خان ءَ گ وشت کہ حکومت کمو کٹ کنوکیں مردم ءُُ پگار گروکیں مردم آناں آسانیں شرط آنی رد ءَ گس ءِ آسراتی پجاری کنگ ءِ واستہ واھشت دارگ ءَ انت۔ آئی ءَ اے گپ چار شمبے ءِ روچ ءَ نوکیں پاکستان ہاؤسنگل منصوبگ ءِ سر ءَ دیمروئی کار آنی ھوالگ ءَ چار ءُُ تپاسی دیوان ءِ سروکی ءَ کنان ءَ کت۔ دیوان ءَ وزیر برائے ہاؤسنگ چوہدری طارق بشیر چیمہ، وزیر اقتصادی کار حماد اظہر، اٹارنی جنرل انور منصور خان، گورنر سٹیٹ بنک باقر رضا، سیکرٹری ہاؤسنگ ڈاکٹر عمران زیب، سیکرٹری ھزانگ نوید کامران بلوچ، سیکرٹری کانود ارشد فاروق فہیم، چیئرمین ایف بی آر سید شبر زیدی، چیئرمین نیا پاکستان ہاؤسنگ اتھارٹی لیفٹیننٹ جنرل (ر) انور علی حیدر ءُُ ایندگر اپسرگ شریک اتنت۔ مزن وزیر ءَ نوکیں پاکستان ہاؤسنگ پراجیکٹ ءِ سر ءَ انوگ ءَ تاں بوتگیں دیمروئی گامگیج آنی سر ءَ سرجمیں بریفنگ دیگ بوت۔ مزن وزیر ءَ گوشت کہ نوکیں پاکستان ہاؤسنگ منصوبگ استیں حکومت ءِ ارزشتی ایں منصوبگ ات ایشی ءَ چہ ناں ایوک ءَ بے لوگیں مردم آناں زاتی گس رسیت بلکینگ ءَ لوگ ءِ کمیگ ءَ را سرجم کنگ ءَ کمک رسیت بلکینگ ءَ اے منصوبگ ءَ چہ جوڑیشت ءَ گوں بندوکیں ’صنعت‘ ءَ را دیمروئی رسیت، ورنا ءُُ کزبی مردم آنان نوکری ءِ موہ رسیت ءُُ معیشت ءِ پڑ چلگ ءَ بندات کنت۔
