مزن وزیر ءَ رمضان المبارک ءِ داھت ءَ 700پاکستانی آنی یلو کنگ، ایف اے ٹی ایف (فیٹف) ءِ جیڈھ ءِ سر ءَ پاکستان ءِ کمک کنگ ءِ پد ءَ شگر ءُُ منت گپت
اسلام آباد۔ 31 جولائی (اے پی پی)مزن وزیر عمران خان ءَ متحدہ عرب امارات (یو اے ای) ءِ ولی عہد شیخ محمد بن زید النہیان ءَ را ٹیلی فون کت ءُُ دو نیمگی یکوئی ءُُ دمگی کار آنی سر ءَ ھیال ریچی کت۔ مزن وزیر ءَ یو اے ای ءِ گوما مھکمیں براتی ءُُ یکوئی ءُُ نزیکیں دو نیمگی سیادی ءَ را پاکستان ءِ نیمگ ءَ چہ داتگیں ارزشت ءَ را سہرا کت۔ مزن وزیر ءَ رمضان المبارک ءِ ساھت ءَ 700پاکستانی آنی یلو کنگ ءِ پد ءَ یو اے ای ءِ ولی عہد ءِ شگر ءُُ منت گپت۔ آئی ءَ ایف اے ٹی ایف (فیٹف) ءِ جیڈھ ءِ پد ءَ پاکستان ءِ ھمبراھ داری کنگ ءِ پد ءَ یو اے ای ءِ شگر ءُُ منت گپت۔ دوئیں سروک آں توامیں شوبگ آنی تہ ءَ دو نیمگی یکوئی آناں گیش شاھیگانی دیگ ءِ پد ءَ ھیال ریچی کنان ءَ دمگی ءُُ گیش سیتی کار آنی سر ءَ نزیکیں شور ءُُ سلاھ جاری دارگ ءِ سر ءَ ھم تپاک کت۔
