اسلام آباد۔ 31 جولائی (اے پی پی) مزن وزیر عمران خان ءَ پاکستان ءُُ اوگانستان ءِ نیام ءَ ھمک پڑ ءَ گہتریں یکوئی ءُُ یکجائی سیت آنی ارزشت ءَ را سہرا کنان ءَ گورنر خیبر پختونخوا ءَ را اوگانستان ءِ سیاسی سروک آں گوں رابطہ ءَ را گیش ودینگ ءِ زمہ واری دات۔ مزن وزیر عمران خان ءَ گوں گورنر خیبر پختونخوا شاہ فرمان ءَ چار شمبے ءِ روچ ءَ مزن وزیر کارگس ءَ گند ءُُ نند کت۔ مزن وزیر ءَ گوشت کہ گورنر خیبر پختونخوا اوگان وتی ارزشتی ایں منصوبگ آں گوں رابطہ برجا کنان ءَ دوئیں ملک آنی نیام ءَ یکوئی ءَ را گہتر کنگ ءَ وتی کرد ءَ پیلو کن اَنت۔ اے رد ءَ گورنر پختونخوا اوگانستان ءِ جتا جتائیں صوبگ آنی گورنرز آنی پاکستان ءِ تر ءُُ تاب ءِ دعوت ءَ دیاں ءُپ وت ھم اوگانستان ءِ تر ءُُ تاب ءَ کن اَنت۔ مزن وزیر ءَ گوشت کہ دوئیں ھمساھگیں ملک آنی نیام ءَ ھمک پڑ ءَ گہتر یں یکوئی یکجائی سیت ءِ دزگیری ءُُ پڑ ءِ الس آنی سیت ءِ واستہ انت۔
