صدر ء ِ مملکت ڈاکٹر عارف علوی ءَ بنجاھی وزیر خالد مقبول صدیقی ءِ سروکی ءَ ڈل ءِ گند ءُُ نند

اسلام آباد۔ 31 جولائی (اے پی پی) صدر مملکت ڈاکٹر عارف علوی ءَ گوشت وت جوڑیشتی زانتکاری ڈیجیٹل زمانگ ءِ آیوکیں بھر ءِ تہ ءَ پترگ ءَ انت ءُُ ایشرا پیسر ءَ چہ کارمرز کنوکیں کمپنی ءُُ ادارگ ایشی ءِ برورد آناں چارت کت کناں، نوں درستانی واستہ ڈیجیٹل مٹی ءَ چہ سیت چست کنگ کمو بوتگ۔ اے ھیالانی درشانی آنی ءَ بنجاھی وزیر انفارمیشن ٹیکنالوجی ءُُ ٹیلی کام خالد مقبول صدیقی ءِ سروکی ء َ گند ءُُ نند کنوکیں ڈل ءَ گوں تران کنان ءَ کت آواں چار شمبے ءَ ادا ایوان ءِ صدر ءَ آئی ءَ گوں گند ءُُ نند کت۔ ڈل ءِ تہ ءَ ڈاکٹر عطاء الرحمن ءُُ سیکرٹری انفارمیشن ٹیکنالوجی ءُُ ٹیلی کام شعیب صدیقی ھوار اتنت۔ صدر ءِ مملکت ءَ گوشت کہ چاگردی ءُُ اقتصادی دیمروئی انفارمیشن ٹیکنالوجی ءِ شوبگ ءَ بوھوکیں دیمروئی ءِ گوما بندوک انت ءُُ پاکستان اے رنگ ءَ کہ دیمروئی کنوکیں ملک ات ایشی ءِ ارزشت انگت گیش بوت کنت۔ آئی ءَ گوشت کہ وت جوڑیشتی نالج ءَ چہ سک باز سیت چست کنگ بیت کنت ءُُ اے جتا جتائیں کمپنی، ڈویلپیئرز، حکومتی ادارگ ءُُ ورکرز آں ھوار درستانی واستہ یک ٹوھیں چیلنج ءِ جوڑ بوتگ۔ آئی ءَ گوشت کہ مارا وت جوڑیشی زانتکاری ءَ چہ سیت چست کنگ ءِ واستہ تیار ءُُ اے ھوالگ ءَ وتی ترس ءُُ بیم ءَ را دور کنگ لوٹ ایت۔ آئی ءَ گوشت کہ مرچی ٹیکنالوجی ءِ دگنیا ءَ کجام ھم ملک ءِ مھکمیں اقتصادی دیمروئی ءِ واستہ انفارمیشن ٹیکنالوجی کلیتی بستار ءِ کرز ایت۔