اسلام آباد۔ 31 جولائی (اے پی پی) صدر مملکت ڈاکٹر عارف علوی ءَ گوشت کہ پاکستان تیونس ءِ گوما وتی دوستگیں یکوئی ایش یکجائی ایمان ءِ ریشگ ءُُ دود ءُُ ربیدگ آنی بنیات ءَ انت، ایشاناں بے کساس ارزشت دنت۔ اے ھیالانی درشانی آئی ءَ تیونس ءِ دست کش بوھوکیں سفیر عدیل العربی ءَ گوں تران کنان ءَ کت آئی ءَ چار شمبے ءَ ادا ایوان ءِ صدر ءَ آئی ءَ گوں گڈی گند ءُُ نند کت۔ صدر ءِ مملکت ءَ گوشت کہ پاکستان ءُُ تیونس ءِ جتا جتائیں میاں اوستمانی جیڈھ آنی سر ءَ ھمگونگیں سیت اتن ءُُ میاں اوستمانی فورمز آنی تہ ءَ دوئیں ملک یک وڑیں بن گپ ءِ دار اَنت۔ صدر ءِ مملکت ءَ گوشت کہ سیاسی یکوئی ءُُ دوستی ملک آنی نیام ءَ دو نیمگی تجارت ایشی ءِ گواچنی کد ءُُ بالاد ءَ چہ سک باز کم انت۔ صدر ءِ مملکت ءَ گوشت کہ پاکستان ءَ گوادر ءَ وتی جھلانکیں زرّ ءِ دکہ ءُُ سی پیک ءِ وسیلگ ءَ تیونس ءِ نیامی ایشیائی ریاست ءُُ چین ءِ گوما تجارتی رابطہ آناں ودینگ ءِ واستہ جتائیں موہ ء ِ پجارینتگ۔ آٗی ءَ تیانس ءَ چہ دست کش بوھوکیں سفیر ءَ را پاکستان ءَ وتی سفیر بوھگ ءِ سرجم کنگ ءِ پد ءَ مبارکی دات ءُُ دوئیں ملک آنی نیام ءَ یکوئی آناں دیمروئی ءِ آئی ءِ کوشست آناں ساڑات۔ تیونس ءَ دست کش بوھوکیں سفیر ءَ پاکستان ءَ وتی سفیر بوھگ ءِ وھد ءَ جوانیں میزبانی کنگ ءِ پد ءَ پاکستان ءِ حکومت ءُُ الس ءِ شگر ءُُ منت گپت۔
