لیگی راہشون تے شہزاد اکبر نا راستی تے بِننگ نا سگ اف، اوفتے تون تینا بے گناہی نا شاہدی اف، ہنداخاطران شہزاد اکبر آ سوختہ مننگ اٹی ءُ، ڈاکٹر فردوس عاشق اعوان

اسلام آباد۔ 31جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ لیگی راہشون تے شہزاد اکبر نا راستی تے بِننگ نا سگ اف، اوفتے تون تینا بے گناہی نا شاہدی اف ہنداسوب آن شہزاد اکبر آ سوختہ مننگ اٹی ءُ، ”مال مفت دل بے رحم“ نا فارمولہ غا عمل کرسا نم لٹ وپل نا ہرا بازار ءِ گرم کریسورے، پوسکن آ پاکستان اٹی اوفتا حساب ءِ تروئی تمنگ ءِ۔ چارشنبے نادے آ تینا ٹویٹ اٹی اوپارے کہ تھوک انا حساب اٹ کرپشن کروک آک تینا برخلاف شاہدی تے پرچون نا دوکان تیان اتنگ اٹی ءُ، کرپشن کروک آتا جیب آن شاہدی نا جاگہ غا قطری چھٹی دوئی مس۔ اوپارے کہ لیگی ترجمان تا کوشست آتیان مَون وخت اس ہم پیہن مننگ کپک۔