بجلی نا بے رجسٹرڈ صنعتی و کمرشل صارف آتا ایف بی آر اٹی رجسٹرڈ مننگ المی ءِ، چیئرمین ایف بی آر

اسلام آباد۔ 31جولائی (اے پی پی) چیئرمین فیڈرل بورڈ آف ریونیو (ایف بی آر) سید شبر زیدی پارینے کہ بجلی نا بے رجسٹرڈ صنعتی و کمرشل صارف آتا ایف بی آر اٹی رجسٹرڈ مننگ المی ءِ، چارشنبے نادے آ داڑے جاری بیان اٹی اوپارے کہ بجلی کل بے رجسٹرڈ صارف آتیان اُرائی صارف منہا کرسا بے رجسٹرڈ صارف آتا کل کچ 32لکھ 60 ہزار 596ءِ ہرافتا رجسٹرڈ مننگ المی ءِ۔ کے الیکٹرک آن بیدس بجلی نا غٹ بشخوک آ کمپنی تیان ملوک آ معلومداری تا رداٹ کم وود 2کروڑ 36لکھ 25ہزار 561اُرائی صارف ایف بی آر اٹی رجسٹرڈ افس۔ اوپارے کہ دوئی مروک آ معلومداری تا رداٹ کم و ود 25لکھ 23ہزار280 کمرشل صارف و 2لکھ 67 ہزار 426صنعتی صارف ایف بی آر اٹی رجسٹرڈ افس، کل بے رجسٹرڈ صارف آتا کچ کم و ود اِراکروڑ 68لکھ 86ہزار 157ءِ۔ چیئرمین ایف بی آر پارے کہ کل بے رجسٹرڈ صارف آتیان اُرائی صارف آتے منہا کرسا ایلو بے رجسٹرڈ صارف آتا کل کچ 32لکھ 60 ہزار 596ءِ، ہرافتا رجسٹرڈ مننگ المی ءِ۔